Gjatë takimit me Nënkryetarin dhe Drejtoreshën e Shërbimeve Sociale në bashkinë Durrës, diskutuam mbi programet e mbrojtjes sociale, si dhe buxhetin për zbatimin e planeve individuale të fëmijëve në situatë rruge.
Mungesa e strukturave për prokurimin e shpenzimeve që duhen për zbatimin e planeve individuale të fëmijëve në situatë rruge, ishte arsyeja pse bashkia nuk përcakton zë të veçantë në buxhetin e bashkisë por e përfshin tek zëri buxhetor i qendrave komunitare.
Sipas tyre, VKM-ja që i detyron bashkitë të kenë buxhet për planet individuale ka nevojë të ndryshojë, pasi në këtë mënyrë nuk mund të zbatohet.
Ky aktivitet organizohet në kuadër të Programit “Fuqizojmë Komunitetin”, financuar nga USAID dhe zbatuar nga United Nations Development Programme – UNDP në partneritet me Bashkinë Durrës dhe “Drejtësi Sociale”.