Zhvilluam takim me Drejtoreshën e Buxhetit dhe Drejtorin Ekonomik në bashkinë Durrës. Qëllimi takimit ishte miratimi buxhetit specifik në zbatim të VKM-së nr. 578, datë 3.10.2018 për zbatimin e planeve individuale për trajtimin e fëmijëve në situatë rruge, si dhe u diskutua mbi problematikën e familjeve, të cilët nuk kanë marrë akoma bonusin e qerasë për tre muajt e fundit të vitit 2023.
Në lidhje me temën e parë, Drejtoresha Buxhetit u shpreh se:
Do të jetë në vëmendjen e bashkisë Durrës në procesin e buxhetit të vitit 2025.Ndërsa për bonusin e qerasë, u shpreh se:
Për shkak të një problemi në lëvrimin e fondit brenda vitit 2023, kjo shumë do t’i shtohet me vendim të Këshillit Bashkiak buxhetit 2024, dhe më pas do ti kaloj familjeve.Ky aktivitet organizohet në kuadër të Programit “Fuqizojmë Komunitetin”, financuar nga USAID dhe zbatuar nga UNDP Albania në partneritet me Bashkinë Durrës dhe “Drejtësi Sociale”.