Pranë zyrave të Komisionerit për Mbrojtjen nga Diskriminimi, u zhvillua seanca dëgjimore për shqyrtimin e mëtejshëm të ankesës së 36 familjeve egjiptiane kundër bashkisë Kavajë, në lidhje me problemin e strehimit.
Në seancë familjet u përfaqësuan nga avokati i organizatës “Drejtësi Sociale”.
Gjatë seancës i qëndruam pretendimit se këto familje diskriminohen për shkak të “etnisë” nga ana Bashkisë Kavajë.
Tashmë, referuar proçedurës së përcaktuar në ligjin “Për Mbrojtjen nga Diskriminimi”, jemi në pritje të vendimit.
Kjo ndihmë ofrohet me mbështetjen e projektit “Zgjerimi i shërbimit të ndihmës juridike falas për gratë dhe burrat në Shqipëri” zbatohet nga Programi i Kombeve të Bashkuara për Zhvillim UNDP Albania në partneritet me Ministrinë e Drejtësisë dhe me mbështetjen financiare të Bashkëpunimit Austriak për Zhvillim (ADC).”
