Problemet ligjore e sociake me martesat fiktive

Sabina kishte lidhur #martesë fiktive me një person që ishte dëbuar nga vendet e #BE-së. Pas lidhjes së martesës dhe ndryshimit të mbiemrit, personi rikthehet në vendet e BE-së. Ndërkohë, si rezultat i kësaj martese Sabina nuk përfiton as #ndihmën ekonomike, as #bonusin e qerasë. Madje, gjatë kësaj periudhe ka lindur një fëmijë me personin qē bashkëjeton, por që babai ligjërisht njihet personi larguar në vendet e BE-së. Kjo martesë është kthyer një problem i madh për të.
Ne e mbështetëm Sabinën për t’iu drejtuar gjykatës me kërkesë për shpalljen e martesës si të pavlefshme.
I bëjmë thirrje zyrave të #Gjendjes Civile të parandalojnë/pengojnë lidhjen e martesave të tilla. Por dhe vajzave/grave të minoriteteve #rome dhe #egjiptiane i bëjmë thirrje të kundërshtojnë ofertat për lidhjen e martesave me persona të dëbuar nga vendet e BE-së.