Punën disa mujorshe me nënën (kryefamiljare) për të larguar fëmijët nga situata rrugës, e hodhi poshtë një vendim i institucioneve ku e përjashtoi familjen nga përfitimi ndihmës ekonomike.
Me shumë punë dhe mbështetje arritëm që të bindnim nënën të mos nxirrte më fëmijët ne rrugë për të lypur. E mbështetëm për ti rikthyer fëmijët në shkollë, të aplikonin për të përfituar bursë dhe të aplikonte për të përfituar bonusin e qerasë. Për një moment kur ne menduam se ja dolëm, familja përjashtohet nga përfitimi ndihmës ekonomike për 6 muaj, pasi nuk kishte regjistruar si punëkërkuese tek zyrat e punës vajzën që mbushi këtë muaj 18-vjeç. Nëna nuk kishte informacion për këtë detyrim, por as administratoria sociale nuk e kishte informuar.
Nga informacionet zyrtare rreth 10.000 familje janë përjashtuar nga përfitimi ndihmës ekonomike muajt e fundit. Ndër to, mund të ketë familje që janë larguar me të padrejtë. Ndaj, si organizatë i’u drejtuam për këtë rast me ankesë Komisionerit për Mbrojtjen nga Diskriminimi.
Ky aktivitet organizohet në kuadër të Programit “Fuqizojmë Komunitetin”, financuar nga USAID dhe zbatuar nga United Nations Development Programme – UNDP