Sot, në Ditën Ndërkombëtare për Fëmijët në Situatë Rruge, ne ngremë zërin për ata fëmijë që jetojnë në rrugë, duke u siguruar që të drejtat e tyre të mos anashkalohen. Kjo ditë shërben si një platformë për organizatat e të drejtave të njeriut në mbarë botën për të rritur ndërgjegjësimin për miliona fëmijë në situatë rruge anembanë globit, duke na kujtuar përgjegjësinë tonë ndaj personave në nevojë dhe se si edhe veprat e vogla mund të bëjnë një ndryshim të rëndësishëm.
Krijimi i një mjedisi të qëndrueshëm, arsimor dhe social për këta fëmijë është thelbësor. Kjo është arsyeja pse nisma si programi “Fuqizojmë Komuntetin”, një iniciativë e UNDP Albania , financuar nga USAID dhe zbatuar në partneritet me Bashkitë Durrës, Kurbin dhe Lezhë, janë kaq jetike. Qendrat “Fuqizojmë Komunitetin” të ngritura në këto Bashki, ofrojnë shërbime mbështetëse të integruara për individët dhe familjet vulnerabël.