Liria e njerëzve për të shprehur idetë dhe kundershtitë e tyre, të pashqetësuar dhe të papenguar nga sistemet represive qëndron në bazë të sistemeve të demokracisë, si garantues i një të tashme dhe të ardhme më të drejtë për të gjithë shoqërinë.
Arilda Lleshi dhe Edison Lika janë dy aktivistët e shoqëruar në Komisariat nga Policia e Lezhës për arsyen se sot guxuan të tregojnë kundërshtinë e tyre ndaj marrëveshjes Rama- Meloni, për ndërtimin e kampit në Gjadër të Lezhës. Aktivistët kanë muaj të cilët protestojnë kundër kësaj marrëveshje, e cila sipas tyre shkel të drejtat e njeriut dhe sovranitetit e territorit shqiptar.
Drejtësi Sociale qëndron në solidaritet të plotë me çdo akt të komuniteteve për të shprehur mendimet e tyre në raport me vendimarrje të cilat i prekin ata drejtpërdrejtë.
Ftojmë gjithashtu në solidaritet dhe mbështetje të gjitha organizatat dhe oranizimit që punojnë në funksion të respektimit të të drejtave të njeriut dhe demokracisë, ndërkohë jemi duke monituar zbatimin e procedurave nga Policia e Lezhes.