Mungesa e informacioneve ligjore shpesh përdoret për të abuzuar me familjet egjiptiane dhe rome dhe nga ata/o që marrin përsipër të mbrojnë interesat e tyre. I tillë është rast i çiftit egjiptian nga qyteti Pogradecit.
Para disa vitesh çifti bashkë me fëmijët është përfshirë në një aksident automobilistik. Nga ky aksident të gjithë anëtarët e familjes kishin pasoja shëndetësore, por njëra nga fëmijët ka pasoja shëndetësore që do ti vuajë gjithë jetën.
Në këtë kohë një avokat i’u ofrua për të ndjekur çështjen për përfitimin e dëmshpërblimit si pasojë e aksidentit, duke marrë përsipër të gjitha shpenzimet. Të gjendur para këtij fakti, çifti i jep prokurën avokatit për të kryer çdo veprim administrativ dhe bankar, si dhe përfaqësimin në seancat gjyqësore.
Gjatë procesit gjyqësor avokati nuk i informoi asnjëherë për ecurinë e çështjes, madje as për shumën e dëmshpërblimit. Çifti u njoftua rastësisht nga banka që kishin fituar 120 mijë euro dëmshpërblim, ndërkohë që avokati i kishte dhënë vetëm 30 milion lek dhe në shkelje të kontratës sipas tyre.
Në këtë situatë i sugjeruam çiftit të bënte ndaj avokatit një ankesë pranë Dhomës Kombëtare për shkelje të Kodit të Etikës.
“Kjo ndihmë ofrohet në kuadër të projektit “Mbrojtja ligjore mjet për organizimin komunitar të komunitetit rom dhe egjiptian”, mbështetur nga Fondacioni Shoqeria e Hapur per Shqiperine