Pasi u informua për rastin e paprecedent në televizionin kombëtar Top Channel të përdorimit të gjuhës së urrejtjes ndaj grave dhe vajzave nga av. Spartak Ngjela, Komisioneri për Mbrojtjen nga Diskriminimi u përgjigj me shpejtësi për adresimin e problemit. KMD kërkon sqarimin e plotë të rrethanave të përdorimit të gjuhës së urrejtjes në emisionin “Më lër të flas” nga ana e televizionit Top Channel, për të marrë një vendim të drejtë.
Kujtojmë opinionin publik se në emisionin investigativ Piranjat, avokatit iu dha shansi për të kthyer mbrapsht disa prej deklaratave të tij mbi “kënaqësinë” ku bien disa gra “të shtrënguara në përdhunim” por ai vendosi t’i qëndrojë deri fund fjalëve të veta.