8 Marsi – Takim për gratë në nevojë

Përfaqësuesja e familjeve në situatë rruge bashkë me eksperten e advokimit, në ditën e 8 Marsit zhvilluan një takim me nënkryetarin e bashkisë Durrës.
Gjatë takimit u diskutua mbi vendosjen e zërit buxhetor specifik për fëmijët në situatë rruge si dhe zbatimi i programit të punësimit( Punë në Komunitet) nga ana e bashkisë Durrës, duke pasur si synim punësimin e prindërve të fëmijëve në situatë rruge.
Në fund u dakordësua që në ditët në vazhdim të ngrihet grupi punës për plotësimin e dokumentacionit për të aplikuar për programin e punësimit, si dhe do të shikohet mundësia për përcaktimin e një zëri specifik për fëmijët në situatë rruge në buxhetin e vitit 2025.

Ky aktivitet organizohet në kuadër të Programit “Fuqizojmë Komunitetin”, financuar nga USAID dhe zbatuar nga UNDP Albania në partneritet me Bashkinë Durrës dhe “Drejtësi Sociale”.