Shpesh, gratë e shtresave të margjinalizuara nuk kanë informacion si të veprojnë në rastet e dhunës në familje. Për shkak të kontaktit të mangët me strukturat e forcave të rendit dhe mungesës së besimit por dhe stigmës dhe diskriminimit, ato nuk i drejtohen policisë.

Një nga zonjat që po mbështesim duke e përfaqësuar në gjykatë për procesin e saj të ndarjes nga bashkëshorti, po përballet me një situatë të tillë. E informuam si duhet të veprojë dhe ku duhet të drejtohet në rast se përsëritet situata dhe çfarë hapash të tjerë mund të marrë ajo si dhe organizata në rast se do duhet në të ardhmen, si psh strehimi i saj dhe fëmijëve diku tjetër, denoncimi, urdhri i mbrojtjes, etj.