Organizata “Drejtësi Sociale” është themeluar më 14.12.2020 me vendim të Gjykatës së Shkallës së Parë Tiranë. Fokusi dhe veprimtaria kryesore e organizatës është advokimi, mbrojtja dhe respektimi i të drejtave dhe lirive themelore të njeriun në Shqipëri.

Më së shumti e fokusuar në grupet rome- egjiptiane, personat me aftësi ndryshe, banorët e lokaliteteve periferike, të rinjtë, fëmijët dhe emigrantët.

Drejtuesit edhe stafi i organizatës “Drejtësi Sociale” janë me eksperiencë, profesionalë dhe të përkushtuar për të ndihmuar maksimalisht në zgjidhen e problematikave të ndryshme.

Çdo individ pjesë e stafit tonë, ka një ekperiencë disa vjeçare në ofrimin e ndihmës ligjore parësore dhe dytësore në qytetet Tiranë, Fier, Berat, Korcë dhe Elbasan, nëpërmjet projektit operacional të Fondacionit Shoqëria Hapur për Shqipërinë.

Përveç aktiviteteve të ndryshme dhe në qytete e zona të ndryshme, organizata ofron konsulencë, ndihmë parësore dhe dytësore juridike, nga ku, mbështetjen ligjore e përdor si mjet për organizimin komunitar.